Ferizaj

Libri i parë me tregime nga futbolli u shkrua nga një autore ferizajase


Publikuar më:


Kemi libra me tregime futbolli të përkthyera nga autorë të huaj,kemi edhe libra të mirë me rregulla futbolli nga autorë shqiptar, por libri “Legjendat e Futbollit ..” i shkruar nga ferizajasja Hava Kurti Krasniqi është libri i parë shqiptar me tregime nga futbolli.

Libri do të botohet edhe në gjuhë gjermane.

Në pyetjen tonë për personazhet e këtij libri,autorja exluzivisht për Ferizajpress u përgjigj: “Ishte dëshira e nxënësve të mi për ta shkruar këtë libër në kohën kur po mbahej Europiani 2016 .

Ky Europian bëri që shqiptarët të përmenden nëpër botë dhe pikërisht entuziazëm solli loja Shqipëri Zvicër, ku vëllezërit Xhaka luajtën pa hile kundër njëri tjetrit”

Në pyetjen tonë : A i njeh nga afër Vëllezërit Xhaka,autorja përgjigjet: “Jo,nuk i njoh nga afër,por kur kanë qenë të vegjël kam patur mundësi ti shoh te parku ku ata luanin me shokë. Jam fanse e tyre, është e mrekullueshme se sa vlerë reflektojnë ata dy: dashuri për vendin e origjinës, falënderues ndaj vendit ku janë rritur, respekt e dashuri ndaj njëri tjetrit, ndaj prindërve e familjes së gjërë”

Në libër ata mirren shembull në çdo tregim, por autorja në libër falënderon edhe të gjithë futbollistët tjerë shqiptarë që me diciplinën e tyre po i japin krenari kombit.

Libri “Legjendat e Futbollit,Vëllezërit Xhaka: Ambasadorët” është një libër frymëzues për prindër e fëmijë.

Libri tani më gjendet edhe nëpër librarit e Ferizajt, në librarinë “Rilindja” në librarinë “Alfabeti” në marketin “Mentori” etj, por së shpejti edhe nëpër qytetet e tjera.

Autorja ka ndërmend të organizojë disa promovime në Shqipëri e Kosovë.

Një promovim do të bëhet së shpejti gjatë kohës së Samitit të diasporës ku autorja është e ftuar nga Ministria e Shqipërisë.

Ajo u shpreh edhe rreth prezentimit të librit : “E falënderoj veçanërisht Ambasadën e Shqipërisë për gatishmërinë e kësaj ambasade për të prezentuar këtë libër. Sporti është shëndet,është organizim, edukim, disiplinë, shpresoj se kam thënë gjëra të bukura në librin tim. I mbetet lexuesit të jep një vlerësim. Falënderoj edhe dizajnerin e librit Majlind Rekaj nga Ferizaj, si dhe Abetare Berilën për vizatimet. Falënderoj shumë edhe Ferizajpress për këtë intervistë!” është shprehur autorja e librit Hava Kurti-Krasniqi.

To Top