28,03,2024

LDK: Tash koha është e afatizuar, Vetëvendosje të veprojë shpejt që ta arrijmë marrëveshjen

Must Read

Zëdhënësi i Lidhjes Demokratike të Kosovës, Besian Mustafa ka folur para mediave pas mbledhjes së kryesisë së partisë, raporton Gazeta Express.

Mustafa ka thënë se në mbledhjen e mbajtur sot kryesia ka trajtuar situatën politike në vend pas mandatimit të Albin Kurtit nga ana e presidentit të vendit. Tutje, zëdhënësi i LDK-së shton se LDK edhe njëherë shpreh vullnetin për marrëveshje politike të balancuar me Lëvizjen Vetëvendosje që do të reflektonte në tërësi rezultatin e zgjedhjeve.

“Në mbledhjen e mbajtur sot Kryesia trajtoi situatën politike pas mandatimit nga ana e presidentit. LDK vlerëson se vendi ndodhet në një situatë të rëndësishme politike me që tash implemetimi politik i vullnetit qytetarit të shprehur në zgjedhje është i afatizuar, LDK edhe njëherë shpreh vullnetin për marrëveshje politike të balancuar me LV-në që do të reflektonte në tërësi rezultatin e zgjedhjeve”, thotë ai.

Besian Mustafa ka shtuar se marrëveshja e propozuar nga ekipi negociues ku nënkuptohet që kryeparlamentari i shkon Lëvizjes Vetëvendosje është opsioni i fundit me të cilin ata negociojnë. LDK ka ftuar LV-në që si parti e dalë e para nga zgjedhjet të merr përgjegjësinë për formim të institucioneve.

“Kryesia e LDK konsideron që marrëveshja e propozuar nga ekipi negociues e mbështetur në orientimin e Këshillit të Përgjithshëm e reflekton rezultatin e zgjedhjeve. LDK e fton Lëvizjen Vetëvendosje si parti e parë dhe që ka përgjegjësinë për të formuar institucionet e reja që të veprojë shpejtë për të arritur marrëveshje me LDK-në”, ka thënë ai./GazetaExpress/

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img