Këngëtari dhe deputeti, Labinot Tahiri, ka konfirmuar se do t’i qëndrojë prapa fjalëve të tij. Labi kishte deklaruar kohë më parë që nëse nuk bëhet liberalizimi i vizave në vitin 2018, ai do të solidarizohet me qytetarët e Kosovës.
Deputeti konfirmoi se ai do të mbajë edhe koncertin e fundit për këtë vit.
Performanca e tij do të jetë në Gjermani më 31 dhjetor, dhe Labi ka thënë se nuk do të performojë derisa të liberalizohen vizat, nëse ato liberalizohen ndonjëherë.
“Dhe data e fundit për në Evropë përfundon më 31 dhjetor me vëllezërit e motrat në Gjermani ku do ta ndajmë natën e vitit të ri me ndjenjën si në familjen time”.
“E pastaj shihemi pas liberalizimit të vizave nëse ndodh ndonjëherë. Faleminderit të gjithëve”, u shpreh Labi në një postim në Instastory.
Këngëtari dhe deputeti kështu mban premtimin e tij që të solidarizohet me qytetarët dhe të mos shfrytëzojë përparësinë e tij për të udhëtuar si deputet. /Telegrafi/
