Ferizaj

Aliu falënderoi organizatorët për punën e shkëlqyer


Publikuar më:


Paraditen e sotme, Kryetari i Komunës së Ferizajt, Agim Aliu i shoqëruar edhe nga nënkryetari Naim Ferati si dhe drejtoresha e kulturës, rinisë dhe sportit Xhemile Murati Shabani kanë pritur në takim organizatorët e Festivalit Ndërkombëtare të Muraleve në Ferizaj, festival ky unik që është mbajtur ditëve të fundit në qytetin tonë.

Në këtë takim, Kryetari i Ferizajt, Agim Aliu falënderoi organizatorët për punën e shkëlqyer dhe angazhimin për t’i dhënë pamje më të bukur qytetit tonë, duke realizuar murale që në gjenezën e tyre kanë historikun dhe identitetin e qytetit tonë, qytet i identifikuar me murale.

Edhe drejtoresha e këtij festivali, Lebibe Topalli Shabani falënderoi kreun e Komunës së Ferizajt, veçanërisht Kryetarin e Komunës, Agim Aliu për mbështetjen direkte dhënë këtij festivali dhe gjithë organizimet tjera për të cilat zyrtarët komunal i janë gjendur pranë.

Në anën tjetër edhe pjesëmarrësit në këtë festival, artistë nga Franca, Zvicra dhe vende të tjera të Evropës dhe më gjerë dhanë vlerësimet e tyre për festivalin, duke u shprehur të kënaqur me punën që është realizuar dhe mikpritjen që i bën institucioni i Komunës dhe qytetarët ferizajas.

Fare në fund, organizatorët e këtij festivali patën edhe dhurata për kreun e komunës, punime këto të realizuara në koloninë artistike që është realizuar në kuadër të këtij festivali.

To Top