28,03,2024

Krasniqi: Delegacioni i Kosovës në Bruksel, delegacion “femre”

Must Read

jakup-krasniqi-l-euml-karrigen-e-deputetit_hd

Ish-kryetari i Kuvendit të Kosovës, Jakup Krasniqi, ka komentuar në faqen e tij zyrtare në Facebook për dialogun e zhvilluar në Bruksel ndërmjet Kosovës dhe Serbisë.

“Pala e Kosovës atje me palën serbe zhvilloi dialog – komprometues, ndërsa pala serbe zhvilloi dialog të fortë. Ata nuk dhanë asgjë, ndërsa morën gjithçka!”, ka shkruar Krasniqi.

Pse ndodhi kjo? Krasniqi ka komentuar se “ka ndodhur kështu se Delegacioni i Kosovës, ishte delegacion “femre” dhe jo vetëm pse fillimisht u udhëheq nga një femër, por edhe kur u “udhëheq” nga i “forti”, nuk u vërejt asnjë ndryshim, përkundrazi, komprometimi u thellua”.

Ky është postimi i plotë i Krasniqit në rrjetin social:

“Dikush edhe mund të thotë se: Alternativë e dialogut është konflikti?! Dhe më ketë mendon se e ka “zbuluar Rrotën”! Gjersa të gjithë e dimë se ka dialog e dialog. Ka dialog të fortë, të balancuar dhe dialog të butë.

Këtu natyrshëm duhet të shtrohet pyetja: Në Bruksel pala e Kosovës çfarë bisedimesh zhvilloi?

Nuk mund të thuhet se dialogu ishte i balancuar dhe as i butë, se për të fortin e udhëhoqi pala serbe. Pala e Kosovës atje me palën serbe zhvilloi dialog – komprometues, ndërsa pala serbe zhvilloi dialog të fortë. Ata nuk dhanë asgjë, ndërsa morën gjithçka!

Pse ndodhi kjo?

Ka ndodhur kështu se Delegacioni i Kosovës, ishte delegacion “femre” dhe jo vetëm pse fillimisht u udhëheq nga një femër, por edhe kur u “udhëheq” nga i “forti”, nuk u vërejt asnjë ndryshim, përkundrazi, komprometimi u thellua. Kompremitimi u thellua sa edhe u shpall jo kushtetues, kur delegacioni u udhëheq nga trashëgimtari i pacifizmit.

Kështu më në fund në bisedimet e Brukselit u bënë bashkë i “forti” me të butin dhe e “dhiten punën”. Se për t’i ikur “konfliktit” u deshtë të përm… deri në fyt qeveritarët tanë!

Por, krejt në fund, nuk kemi si mos ta shtrojmë një pyetje: Të “fortët” e të butet tanë të Brukselit, po të dialogonin për interesat e tyre personale, siç i kemi parë shpesh, pa dyshim që do të zhvillonin dialog të fortë dhe nuk do ta eliminonin as konfliktin si alternativë.

Ndodh kështu se këta njerëz nuk kanë emocione politike për shtetin!”

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img