Sport

Kontroll anti-eksploziv në ‘Loro Boriçi’


Publikuar më:


Disa orë para zhvillimit të ndeshjes, drejtuesit e policisë kanë zhvilluar një mbledhje në mjediset e brendshme të stadiumit, ku të pranishëm ishin shumë efektivë. Mbledhjen e gjatë nuk e kanë penguar as reshjet e shiut dhe as temperaturat e ulëta.

Më herët, policia kishte bërë kontroll të mjediseve të stadiumit me qen anti-eksploziv, ndërsa ka përfunduar takimi mes përfaqësuesit të UEFA-s dhe Policisë së Shtetit.

Njoftimi i Policisë

“Policia e Shtetit ka marrë një sërë masash për zhvillimin normal të ndeshjes ndërkombëtare të futbollit ndërmjet ekipeve Shqipëri-Spanjë. Në këtë kuadër, rreth 1280 forca policore, duke filluar me RENEA-n, FNSH-në e Policinë Vendore të Shkodrës janë angazhuar për mbarëvajtjen para, gjatë e pas përfundimit të aktivitetit.

Drejtori Niko Brahimaj ka bërë instruktazhin e Forcave të Lëvizjes Operacionale, drejtori i Rendit Publik, Gjovalin Loka, ka bërë instruktazhin e Policisë së Rendit. U bë kontrolli i ambienteve të stadiumit me qen antieksploziv. Përfundoi takimi mes përfaqësuesit të UEFA-s dhe Policisë së Shtetit.

Policia e Shtetit kërkon mirëkuptimin e sportdashësve që do të marrin pjesë në këtë aktivitet në respektimin dhe zbatimin e këtyre masave si dhe të pajisjen me biletë dhe dokument identifikimi, duke shmangur njëkohësisht mbajtjen me vete dhe futjen në ambientet e stadiumit të sendeve të forta, borive, shisheve të çfarëdolloji, fishekzjarrëve, monedhave apo sendeve metalike, pasi në hyrje do të kontrollohen fizikisht”.

Parashikoni ndeshje të futbollit dhe fitoni dhjetëra shpërblime, duke përfshirë një iPhone 6S dhe Samsung Galaxy S6. 

.

Comments
To Top