Ferizaj

Komuna e Ferizajt ndihmon fermerët ferizajas për mbrojtje të prodhimeve bujqësore nga breshëri


Publikuar më:


Plantacioni me mollë i fermerit Bujar Bytyqi në fshatin Mirash tani e tutje do të ketë një sistem më të mirë mbrojtës nga breshëri dhe rrezet e shumta të diellit pasi që aty së fundi janë bërë punime dhe është realizuar një projekt i veçante si bashkëpunim mes fermerëve dhe Komunës së Ferizajt. Për të parë nga afër realizimin e këtij projekti dhe gjithë veprimtarinë bujqësore të fermerëve të vyeshëm të kësaj ane sot për vizitë në këtë plantacion ishte edhe Kryetari i Komunës së Ferizajt Agim Aliu. Ai i përgëzoi fermerët e kësaj ane për përkushtimin e treguar që të zgjerojnë punën edhe në rrethana jo të favorshme.

“Jemi këtu për të treguar edhe çështjet që kanë të bëjnë me institucionet, respektivisht për të treguar që qytetaret agronomët pemëtarët në këtë rast kanë nevojë për institucionin dhe kanë nevojë për një mbështetje. Sot jemi shumë të lumtur që kemi ardhur për një mbështetje të veçantë, unike me një mbështetje të munguar jo vetëm në Ferizaj por në Komunën e Kosovës, por gjithë Republikën e Kosovës dhe në fakt atë që do të duhej ta bënte Ministria e Bujqësisë po e fillojmë në si komunë, pra është projekt unik, projekt për mbrojtje të prodhimtarisë bujqësore nga ana e breshëritë” , ka thënë Kryetari Aliu, përderisa ka shtuar se si Komunë vazhdimisht ka bërë planifikime për të ndihmuar fermerët ferizajas.

“Duke parë këtë angazhim dhe këtë mundin në kuadër të projekteve dhe planifikimeve tona buxhetore nga vitit 2019, 2020 dhe vitin e ardhshëm 2020 dhe vazhdueshëm në do të ndajmë mjete për këtë shërbim për fermer, bujqit dhe fermerët. Kemi ndarë 80 mijë euro, edhe këtë vit kemi ndarë 80 mijë dhe në fakt kemi dëshmuar si qeveri se mbështesim sektorin e bujqësisë”, ka thënë kryetari Aliu.

Kryetari Aliu gjatë vizitës së sotme ne fshatin Mirash deklaroi se Ministria e Bujqësisë është treguar e padrejtë në raport me mbështetjen që u ka dhënë fermerëve të këtushëm. Prandaj komuna me kapacitetet e saj do të tregohet e kujdesshme për të plotësuar nevojat e fermerëve.

Edhe fermeri Bujar Bytyqi u shpreh i kënaqur me instalimin e këtij sistemi antibreshër, duke treguar se shpesh ka pësuar dëme nga dukuritë natyrore edhe pse ka bërë shumë punë në kultivimin mollës gjatë gjithë vitit. Kurse edhe fermeri Bujar Bytyqi deklaroi se ka aplikuar vitin e kaluar në Ministrinë e Bujqësisë për një frigorifer i cili i duhet për të ruajtura produktet, por nuk ka përfituar dhe ky fakt për të është dëshpërues.

Mësohet se instalimi i sistemit antibreshër ka pasur një kosto rreth 80 mijë euro , mjete këto të cilat janë siguruar nga komuna e Ferizajt dhe është shtrirë në 4 hektarë sipërfaqe bujqësore.

Buxheti i përgjithshëm i Drejtorisë së Bujqësisë dhe Pylltarisë për këtë vit ka qenë mbi 900 mijë euro ndërkaq për vitin ardhshëm ai do të jetë më i madh dhe do ta kalojë shumën mbi 1 milionë euro.

To Top