29,03,2024

Komitetit të Auditimit i dorëzon kryetarit Aliu rekomandimet

Must Read

Ferizaj.28. 12. 2018. Gjatë ditës së sotme, përmes një konference për media, kryesuesi i Komitetit të Auditimit, Medain Hashani ka bërë publik një raport përmbledhës të të gjeturave dhe rekomandimeve për Kryetarin e Komunës së Ferizajt, Agim Aliu, në fushën e financave, përkatësisht menaxhimit e kontrollit financiar.

Hashani në këtë konferencë për media, njoftoi se ky mekanizëm i rëndësishëm për kontrollin financiar në nivel lokal ka bërë analizat e nevojshme në fushat përkatëse, me ç ‘rast është evidentuar në tërësi e gjithë gjendja në sektorët komunal dhe nisur nga kjo edhe janë përpiluar rekomandimet për Kryetarin e Komunës, në mënyrë që të zbatohen gjatë vitit 2019.

“Pas funksionalizimit të Komitetit të Auditimit, prej 02.11.2018 deri me 28.12.2018 janë mbajtur 4 takime të rregullta dhe janë shqyrtuar objektivat për vitin 2019. Para se të ndërtohen objektivat e komitetit është bërë analiza detale e raportit të auditimit të jashtëm për vitin 2017 të publikuar nga ana e Zyrës Kombëtare të Auditimit. Edhe pse koha ka qenë mjaft e shkurtër, janë trajtuar me përpikëri gjetjet dhe rekomandimet të cilat janë dhënë nga ana e audituesve të jashtëm për Komunën e Ferizajt” tha kryesuesi i Komitetit të Auditimit, Medain Hashani,

Hashani më tutje shpalosi rekomandimet për Kryetarin e Komunës e të cilat përfshijnë: regjistrimin e saktë të të gjitha pronave komunale dhe kërkesën që të bëhet vlerësimi tyre; rekomandimin që të bëhet rivlerësimi i pronave private nga ana e Drejtorisë së Financave në aspektin e vlerës në të cilën llogaritet tatimi në pronë pasi që tatimi në pronë si burim kryesor i të hyrave vetanake është mjaft i vogël në raport me pronat të cilat janë në Komunën e Ferizajt, të krijohet Sistemi informativ i kontabilitetit në Drejtorinë e Financave, të planifikohet blerja e një softweri, në mënyrë që Drejtoria e Financave të ketë informata financiare për të gjitha drejtoritë komunale dhe matjen e performancës së sektorit të tatimit në pronë për inkasimin e të hyrave në bazë të viteve, të merret vendim për ndërtimin e një strategjie për mbledhjen e llogarive të arkëtueshme të cilat janë mjaft të larta pasi që në fund të vitit 2017 janë 8.060.640.00 €, të rishqyrohen kontratat e qirasë për pronat komunale dhe të merret për bazë vlera e tregut për çmimet e kontratave; të kërkoj nga Drejtoria e Urbanizmit që në tremujorin e parë të vitit 2019 për inkasimin e të arkëtueshmeve për lejet ndërtimore e lëshuara me këste dhe në rast të mos inkasimit të këtyre të arkëtueshmeve të revokoj ato leje ndërtimore dhe të inicoj procedurat përmbarimore; të planifikoj një strategji për analizimin e të gjitha detyrimeve kontigjente dhe aseteve kontigjente për të gjitha kontestet të cilat i ka Komuna e Ferizajt si dhe të kërkoj nga Zyra e Prokurimit që gjatë vitit 2019 të jetë më azhure në implementimin e rekomandimeve të dhëna nga ana e Zyrës Kombëtare të Auditimit

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img