Ferizaj

Këto janë pronat e liruara nga uzurpimi sot në Ferizaj


Publikuar më:


Prokurori i shtetit dhe Policia e Kosovës përmes operacionit policor ‘FSHESA’ kanë liruar disa prona të uzurpuara.

Prokuroritë Themelore dhe Policia e Kosovës pas hetimeve të kryera dhe grumbullimit të provave materiale, përmes planit operacional të koduar me emrin ‘FSHESA’, kanë ndërmarr veprime konkrete për lirimin e disa pronave publike të uzurpuara në dy rajone të Kosovës.

Operacioni i parë është realizuar me urdhëresë të Gjykatës  Themelore në Ferizaj, ku janë liruar tri lokale afariste, të uzurpuara në mënyrë të kundërligjshme.

Indeksonline mëson se tri pronat e liruara në Ferizaj janë të Hajrush Miftarit.

“Operacioni është zhvilluar me urdhëresë të Gjykatës Themelore në Ferizaj, ku me këtë rast janë liruar tre lokale afariste në rrugën “Dëshmorët e Kombit”, Ferizaj, ku në këtë mënyrë të kundërligjshme ishin uzurpuar nga i dyshuari Hajrush Miftari. Të gjitha këto prona kanë qenë të uzurpuara që nga viti 1999 e deri më tani, me urdhër të gjykatës të gjitha këto prona i janë nënshtruar procesit të sekuestrimit”, mëson Indeksonline.

Pronat e liruara në Ferizaj janë: D.P. “Leli”, “Antika” dhe Mobi Shop “Edi”, të gjithë këto në pronësi të Hajrush Miftarit. /Indeksonline/

Comments
To Top