Para pak momentesh dy xhudistet kosovare, Majlinda Kelmendi dhe Nora Gjakova kanë mbërritur në Aeroportin e Prishtinës “Adem Jashari”, ku janë pritur nga kryeministri i Kosovës, Isa Mustafa, zyrtarë të Ministrisë së Kulturës, Rinisë dhe Sportit, kryetari i Komitetit Olimpik, Besim Hasani, si dhe qytetarë të shumtë.
Kelmendi nga Rusia, ku u mbajt Kampionati Evropian i xhudos kthehet me medalje të artë në kategorinë e saj, ndërsa Nora Gjakova kthehet me medaljen e bronztë.
Një konferencë për media do të mbahet në hapësirat e aeroportit, ku Kelmendi e Gjakova do të tregojnë për eksperiencën e tyre në këtë kampionat.
Për të mirëpritur dy xhudistet kosovare është përgatitur edhe një tortë e madhe me formë të hartës së Kosovës./KosovaPress/
