28,03,2024

Kamishi nuk komenton rihapjen e shqyrtimit gjyqësor ndaj deputetëve të VV-së, pret vendimin e Gjykatës

Must Read

bekim-haxhiu-insiston-n-euml-shkarkimin-e-ministrit-t-euml-sh-euml-ndet-euml-sis-euml_2_hd-780x439

Gjykata Themelore në Prishtinë sot nuk shpalli vendimin për deputetët e Lëvizjes Vetëvendosje, të cilët akuzohen se kanë sulmuar fizikisht në oborrin e Kuvendit të Kosovës, deputetin e PDK-së, Bekim Haxhiun.

Gjykata madje mori vendim për rihapje të shqyrtimit gjyqësor pasi që siç tha gjykatësi Vesel Ismajli, janë vërejtur disa paqartësi tek raporti i mjekësisë ligjore, i cili nuk përputhet me raportin e emergjencës, ndaj të dëmtuarit Bekim Haxhiu.

I kontakuar nga Telegrafi, deputeti Bekim Haxhiu i njohur si Kamishi nuk ka dashur të komentojë lidhur me këtë.

“Nuk komentoj asgjë deri në vendim të gjykatës”, ka thënë shkurt Haxhiu.

Në seancën e sotme munguan të akuzuarit, Rexhep Selimi, Visar Ymeri, Florin Krasniqi dhe Besart Bujupi.

Për mos pjesëmarrjen e tij në seancë, deputeti i VV-së, Rexhep Selimi ka thënë për Telegrafin se pjesëmarrja nuk ka qenë e obligueshme.

Seanca e radhës pritet të mbahet më 20 prill, në të cilën pritet që të dëgjohet eksperti ligjor, Arsim Gërxhaliu.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img