Ferizaj

Kaçanik: Afër dhjetë kompani i përgjigjen ftesës së kryetarit Ilazi për pastrimin e rrugëve


Publikuar më:


Afër dhjetë kompani vendase të cilat posedojnë mekanizëm për heqjen e borës, iu kanë përgjigjur ftesës së kryetarit të Komunës, z. Besim Ilazi për ndihmë në pastrimin e rrugëve. Kryetari Ilazi, nisur nga gjendja e krijuar u ka bërë apel kompanive që të angazhohen krahas kompanisë së kontraktuar, pasi reshjet e mëdha të borës kanë bllokuar pothuajse të gjitha rrugët, ndërsa gjendja më e rënduar është në rrugët lokale të fshatrave më të thella. Ilazi ka kërkuar mirëkuptim dhe njëherësh i ka ftuar edhe qytetarët që të mobilizohen dhe të ndihmojnë në tejkalimin e kësaj situate e sidomos në mirëmbajtjen dhe heqjen e borës në afërsi dhe pranë lokaleve të tyre dhe atyre banesore. Komuna e Kaçanikut e ka kontraktuar një kompani për mirëmbajtjen dimërore të rrugëve e cila është duke u angazhuar me tërë kapacitetet e saja, pa ndërprerë, për 24 orë.

 

Comments
To Top