Ferizaj

Jezercasit shënuan ditën e shkollës


Publikuar më:


Nxënës, prindër, punonjës dhe banorë të Jezercit, shënuan sot 71-vjetorin e punës së shkollës në këtë fshat, e cila ishte hapur menjëherë pas përfundimit të Luftës së Dytë Botërore ( në vitin shkollor 1945-1946), me kontributin e arsimdashësit të shquar të kësaj ane Munish Ramadani.

15218712_10209259444741484_1937156454_n

Drejtori i shkollës Burim Ukzmajli, u ka shfaqur mirënjohje të gjithë mësimdhënësve dhe punëtorëve të arsimit, të cilët ndër breza kontrubuan për arsimimin dhe edukimin e popullatës së kësaj ane.

Ndërsa kryetari i Komunës Muharrem Svarqa, i ka shprehur respekt këtij vendbanimi, i cili ka dhënë aq shumë për vendin tonë, duke u shquar për shembullin më të mirë të qëndresës, sakrificës dhe heroizmit për liri. Ai ka konstatuar se zhvillimi i shkathtësive për punë, aplikimi sa më shumë që të jetë e mundur i punës praktike dhe përshtatja e programeve mësimore me nevojat e tregut të punës, janë nevoja të ngutshme për arsimin e vendit tonë.

Nxënësit e shkollës “Skënderbeu” të Jezercit kanë shfaqur para të pranishmëve një program me këngë, valle e recitime. Kurse drejtoria e shkollës ka nderuar me mirënjohje punëtorët më të vyeshëm, për kontributin shumëvjeçar dhënë mbarëvajtjes së mësimit.

 

15239401_10209259445221496_33922965_n  15218513_10209259444141469_409497672_n 15239292_10209259443581455_1811698558_n 15174604_10209259443101443_1385370505_n 15226417_10209259442021416_233023643_n  15218736_10209259441581405_114011081_n

Comments
To Top