29,03,2024

Ja çfarë uji rrjedh në shtëpitë e banorëve të fshatit Tërrn të Ferizajt (Video)

Must Read

Ferizaj. 23.10.2018. Banorët e fshatit Tërrn të Ferizajt përveç problemeve tjera po përballen edhe me mungesën e ujit të pijes.

Banorët e fshatit Tërrn shumë herë  u gjendën të rrethuar nga uji i cili  vërshonte këtë fshat. Këto vërshime ishin  edhe shkaktarë që këta banorë të kenë probleme edhe me artikullin elementarë të jetës, ujin e pijes.

Ujësjellësi ishte një shpresë  për ta ku së paku  nuk do të kishin   edhe problemin e ujit të pijes  gjatë kohës së vërshimeve.

Por ky problem si duket këta banor po i përcjellë  edhe atëherë kur nuk ka as të reshura e as vërshime,  pasi ujësjellësi  sjellë ujë më të ndotur se gjatë vërshimeve.

Banorët e këtij fshati ankohen se ky problem po i përcjell verë-dimër.

“Përveç problemeve të shumta si fshat po ballafaqohemi edhe me mungesën e ujit të pijshëm si gjatë stinës së verës ashtu edhe gjatë dimrit. Uji për pije me të cilin furnizohet ky fshat është në gjendje shqetësuese, është i pa pijshëm dhe i rrezikshëm. Por kur vije te faturimi ai bëhet rregullisht  e në shumicën e rasteve edhe në mënyrë paushalle. Sinqerisht jemi në hall” thotë një banorë i fshatit Tërrn.

Ky banor i fshatit Tërrn ka dërguar edhe një video ku shihet  se me çfarë uji furnizohen këta banorë.

Kjo do të ishte një sinjal që kompetentët  e “Bifurkacionit të merren më seriozisht me shkakun e kësaj ndotje.

Po edhe Instituti i Shëndetit Kombëtarë në Ferizaj nuk do të duhej të rrinte duarkryq dhe  bëjë sehirë para  një mundësie të përhapjes së ndonjë epidemie nga ky ujë i ndotur.

Por për çudi ky institut edhe pse quhet kombëtarë  zakonisht mbikëqyrë burimet për të cilat është kontraktuar (si të ishte ndonjë kompani private e  jo ISNTITUT I SHËNDETIT KOMBËTARË)

 

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img