Publikuar më:
Pasditen e sotme, në ambientet e Palestrës së Sporteve “Bill Clinton” në Ferizaj, kompania e njohur e industrisë së mishit “Uka Group” dhuroi 100 pako me produkte mishi për familjet në nevojë, të cilat do të shpërndahen gjatë ditës së nesërme, me rastin e festës së Fitër Bajramit.
Për të pranuar këtë donacion, doli drejtorja e Shëndetësisë dhe Mirëqenies Sociale, Abetare Kurti Maliqi e cila në emër të institucionit të Komunës, falënderoi donatorin për gjestin solidar në mbështetje të familjeve në nevojë, tash në prag të festës së Fitër Bajramit.
