Lajme

Haradinaj e nderon kolonelin e KFOR’it amerikan me prejardhje serbe


Publikuar më:


Kryeministri Ramush Haradinaj, mori pjesë në ceremoninë e ndërrimit të komandës së komandantit të KFOR-it amerikan, Kolonel Nick Ducich te kolonel Roy J. Macaraeg, e cila u mbajt në kampin ushtarak amerikan “Bondsteel”. Haradinaj e nderoi Ducichin me “Hartën e Artë të Kosovës”, ndërsa koloneli tha se ndihet i nderuar që shërbeu në Kosovë.

Haradinaj ka vlerësuar punën e deritashme të Kolonelit Ducich, i cili ka prejardhje serbe, dhe të ushtarëve amerikanë në ofrimin e sigurisë dhe të stabilitetit për Kosovën dhe qytetarët e saj.

Më tej, Kryeministri Haradinaj duke vlerësuar lart kontributin e ushtarëve amerikanë dhe të Kampit ‘Bondsteel’, tha se ky kamp është garantues i sigurisë dhe paqes për Kosovën dhe të gjithë qytetarët e saj, dhe për rolin dhe shërbimin e tij në Kosovë e ka nderuar kolonelin Ducich me “Hartën e Artë të Kosovës”.

Ndërkaq, komandanti i kampit “Bondsteel”, kolonel Nick Ducich, tha se ka qenë i nderuar që ka shërbyer në mision në Kosovë, duke dhënë më të mirën.

“Ka qenë nder për mua të shërbej për njerëzit e Kosovës”, ka thënë në fjalën e tij Ducich.

Shfrytëzimi i materialeve të ferizajpress.com nga ndonjë website ose medium tjetër, pa e cekur burimin e materialit, është shkelje e drejtave autoriale dhe është i ndaluar.

Redaksia| Tel: +383 44 733 733
E-mail: redaksia@ferizajpress.com

Marketing| Tel: +383 49 806 106
E-mail: marketing@ferizajpress.com

Facebook

To Top