29,03,2024

HARADINAJ: DO TË MERREN PARASYSH DISA KËRKESA TË MËSIMDHËNËSVE

Must Read

Kryeministri i vendit, Ramush Haradinaj ka takuar sot përfaqësuesit e Sindikatës së Bashkuar të Arsimit, ndërsa tha se janë zotuar që para votimit në Kuvend të Ligjit për pagat të angazhohen bashkërisht që të merren parasysh disa nga kërkesat e sindikatës dhe mësimdhënësve.

Haradinaj në një postim në rrjetin social Facebook shkruan se është bërë edhe punë e madhe me Ligjin e Pagave, duke i zyrtarizuar pagat e mësimdhënësve që deri tani, bazoheshin në vendime dhe në shtesa të rrezikshmërisë.

“Rritja e buxhetit në arsim është një nga hapat e shumtë që kemi ndërmarrë si Qeveri për ta përmirësuar gjendjen në këtë sektor. Krahas kësaj është bërë edhe punë e madhe me Ligjin e Pagave, duke i zyrtarizuar pagat e mësimdhënësve që deri tani, bazoheshin në vendime dhe në shtesa të rrezikshmërisë. Përfaqësuesit e Sindikatës së Bashkuar të Arsimit i njoftova për nevojën që ky ligj të kalojë sa më parë në Kuvendin e Kosovës dhe pas kësaj të hapet rrugë për të bërë përmirësimet e nevojshme në të ardhmen. Po sot, u zotuam se do të angazhohemi bashkërisht që përpara votimit në Kuvend, të merren parasysh disa nga kërkesat e sindikatës dhe mësimdhënësve”, shkruan Haradinaj në Facebook.

Ndryshe, ditë më parë kryetari i SBASHK-ut, Rrahman Jasharaj ka thënë se nëse nuk korrigjohet koeficienti i pagës për sistemin e arsimit do të merren masa radikale duke filluar nga 14 janari.

“Është vendim i SBASHK-ut se nëse nuk plotësohen kërkesat nga 14 janari nuk do të fillohet gjysmë viti shkollor me mësim por me grevë të përgjithshme, e cila do të jetë në kohë të pacaktuar derisa institucionet nuk i plotësojnë kërkesat legjitimi të punëtorëve të arsimit”.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img