Ferizaj

Gjithçka gati për shënimin e 12 vjetorit të Pavarësisë së Kosovës


Publikuar më:


Komuna e Ferizajt, konkretisht Drejtoria për Kulturë, Rini dhe Sport, ka bërë të gjitha përgatitjet për shënimin sa më dinjetozë të 12 vjetorit të Pavarësisë së Kosovës. Aktivitete për shënimin e 12 vjetorit të Pavarësisë do të mbahen nën patronatin e Kryetarit të Komunës së Ferizajt, Agim Aliu.

Sipas drejtoreshës së Kulturës, Rinisë dhe Sportit Xhemile Murati-Shabanit, këto përgatitje janë bërë në bashkëpunim me shoqata të ndryshme kulturore dhe artistike, por edhe me klubet sportive.

Ajo ka thënë se aktivitete për shënimin e Ditës së Pavarësisë, do të fillojnë nga data 14 shkurt ku do të fillohet me një turnir në volejboll femrat nga institucionet nga ora 10 në palestrën e sporteve “Bill Klinton” në Ferizaj.

U tha se ditëve në vazhdim do të ketë edhe aktivitete të tjera sportive dhe kulturore, ndërkaq me datën 17 shkurt-Ditën e Pavarësisë së Kosovës janë përgatitur aktivitet të ndryshme.

E para e drejtorisë së Kulturës, Rinisë dhe Sportit Xhemile Murati-Shabani, ka folur edhe për projektet e vitit 2020 të kësaj drejtorie.

Për detaje të tjera ndiqni, konferencën për medie të drejtores së Kulturës, Rinisë dhe Sportit Xhemile Murati-Shabani.

To Top