Ferizaj

Ferizaj fiton derbin e mbijetesës ndaj Dukagjinit


Publikuar më:


Ferizaj ka triumfuar në ndeshjen e fundit të javës së 16-të në Superligën e Kosovës në futboll, derisa në derbin e mbijetesës ‘likuidoi’ Dukagjinin me rezultat të pastër 2-0.

Një ndeshje e dominuar nga djelmoshat ferizajas në çdo aspekt arritën një fitore të merituar, e cila ka vlerë shumë të madhe.

Fatih Karahoda dhe Taulant Dajaku kanë ‘firmosur’ fitoren e pestë sezonale të “Ujqve” që tashmë ngriten në kuotën e 15 pikëve.

Ndërkohë, “Hithat” e pësojnë edhe humbjen e dymbëdhjetë sezonale dhe me tetë pikë dhe në pozitën e fundit të renditjes tabelare zbehin gjasat për të mbijetuar edhe një edicion në kampionatin elitar.

Njëherit kjo ishte fitorja e dytë sezonale e Ferizajt përballë Dukagjinit. 

To Top