Arif Salihu banor i Ferizajt bashkë me familjen 11 anëtarëshe që nga e shtuna ka mbetur pa shtëpi si pasojnë e një zjarri të furishëm i cili në mesnatë kaploi shtëpinë e tij.
Ai thotë se është ende i hutuar dhe nuk po mund ta besoj çfarë i ka ndodhur ndërsa familjen e ka shpërndarë tek të afërmit sepse nuk i ka mbetur pothuajse asgjë nga orenditë , rrobat e dokumentet që kishte. Dyshon se djegia e shtëpisë erdhi si pasojë e problemeve me energjinë elektrike.
Familja Salihu e cila ka mbetur aktualisht në rrugë thonë se kanë nevojë për ndihmën e vullnetmirëve për ta pasur një strehë mbi kokë. Kryefamiljari Arifi thotë se vet nuk punon askund rregullisht e as anëtarët e tjerë të familjes, prandaj nuk mund të bëjë as një investim për rregullimin e shtëpisë.
Edhe anëtarët e tjerë të familjes Salihu pohojnë se ka 3 ditë që nuk po mund të qëndrojnë në shtëpinë e tyre. Thonë se e kanë të vështirë të enden dhe të jetojnë pa gjërat elementare për jetesë. Lusin ata që kanë mundësi t’i ndihmojnë për rindërtimin e shtëpisë.
Edhe fqinjët e familjes Salihu janë tronditur nga rasti i djegies së shtëpisë së fqinjit te tyre dhe gjendja në të cilën kanë mbetur.
Ata ftojnë se të gjitha bizneset apo njerëzit e vullnetit të mirë që ta ndihmon familjen e mbetur pa shtëpi.
Komuna e Ferizajt ka një fond të vogël për rastet emergjente sic është djegia e shtëpive apo emergjenca të tjera , por zyrtarët komunalë janë shprehur disa herë se me kujdes e shqyrtojnë secilën nevojë për banim apo ushqim që e paraqesin qytetarët e komunës së Ferizajt.
