Një rast mashtrimi ka ndodhur në fshatin Smirë të Vitisë më 12.07.2017, kur një fermer është mashtruar nga një person, pasi ky i fundit ia ka “blerë” një gjedh në vlerë njëmijë e gjashtëqind e pesëdhjetë euro (1650), dhe po të njëjtën ditë e kishte shitur për njëmijë euro (1000) në tregun e kafshëve të Ferizajt, duke i mbetur borxh smirasit, ka njoftuar policia e Kosovës.
Në raportin policor thuhet se mashtruesi është arrestuar.
“Më 19 Korrik 2017 rreth orës 18:30 në qytetin e Ferizajt, nga Policia e Kosovës, Njësia e Hetimeve të stacionit policor të Vitisë, i dyshuari shqiptar shtetas i Kosovës është sjellur në Stacionin policor të Vitisë, për intervistim si i dyshuar për rastin ,,Mashtrim”, të datës 12.07.2017 që kishte ndodhur në fshatin Smirë të komunës së Vitisë. I dyshuari i cili kishte mashtruar ankuesin duke ia blerë një gjedh në vlerë njëmijë e gjashtëqind e pesëdhjetë euro (1650), dhe po të njëjtën ditë e kishte shitur për njëmijë euro (1000) në tregun e kafshëve të Ferizajt. Me urdhër të prokurorit të shtetit, i dyshuari ndalet në mbajtje për 48 ore, dhe ngritët kallëzim penal për vepër penale “Mashtrim” sipas nenit 335 të KPRK-së”, thuhet në raportin e sotëm policor.
Rasti shkon në Gjykatë./PlusTv/
