Ferizaj

Drejtoria e Bujqësisë shembull i kujdesit ndaj fermerëve, vaksinohet fondi blegtorial


Publikuar më:


Provimin për kujdesin ndaj fermerëve ferizajas e ka dhënë vazhdueshëm Drejtoria e Bujqësisë dhe Pylltarisë. Sa me nisma që po realizohen për herë të parë në këtë fushë, sa me subvencionim të vazhdueshëm të bujqve e fermerëve. Edhe gjatë pandemisë, fermerët u ndihmuan në forma të ndryshme në dobi të mbrojtjes së fondit të tyre blegtoral dhe kulturave bujqësore. Sot, kur po shënohet Dita Ndërkombëtare e Prodhuesve dhe Përpunuesve të Qumështit, drejtori i Bujqësisë, Burim Bajrami doli në vizitë në stallat komerciale dhe gjysmëkomerciale për të ndjekur nga afër vaksinimin e fondit blegtoral kundër sëmundjeve clostridiale.

Nga aksioni që po zhvillohet po ndahen të kënaqur fermerët e Ferizajt. Komuna e Ferizajt vazhdueshëm po aplikon politika e veprime konkrete në favor të rritjes dhe fuqizimit të bujqësisë lokale. Edhe ky aksion i fundit ka këtë qëllim. Veçanërisht fuqizimi i sektorit të prodhimit dhe përpunimit të qumështit ka një vëmendje institucionale për çka u diskutua edhe ditë më parë me përfaqësuesit e shoqatës së këtij komuniteti në nivel vendi.

To Top