Publikuar më:
Saimir Beqiri rreth 40 vjeç, është personi që u gjet i vdekur sot në oborrin e një lokali në periferi të Elbasanit. Policia thotë se ai është ekzekutuar me armë zjarri gjatë natës, ndërkohë që trupi i tij i pajetë u gjet gjatë ditës së sotme.
Mësohet se viktima nuk ishte një person i panjohur për uniformat blu, pasi ishte me precedent të mëparshëm penal. Hetimet e policisë janë përqëndruar në pistën e hakmarrjes pasi viktima ka qenë më parë i përfshirë në trafik droge dhe shfrytëzim prostitucionit jashtë vendit.
Burime jozyrtare thonë se Beqiri ka qenë i përfshirë para disa vitesh edhe në një vrasje, por kjo mbetet ende për t’u konfirmuar nga hetimet e policisë.
Në oborrin e lokalit ku u gjet i ekzekutuar 40-vjeçari, aty pranë ndodhet edhe një karburant që është në pronësi të tij. /Syri
