23 prilli njihet si Dita Ndërkombëtare e Librit. Kjo ditë po shënohet edhe në Kosovë, ku që nga mëngjesi kanë filluar aktivitete të ndryshme kushtuar kësaj dite.
Për nder të kësaj dite, Sektori për Rini i Drejtorisë së Kulturës në kuadër të Komunës së Prishtinës, në bashkëpunim me Bibliotekën e qytetit “Hivzi Sylejmani”, kanë organizuar një debat me të rinjtë e kësaj komune me temën “Libri dhe kultura e leximit”.
Panelistët e këtij debati, folën për rëndësinë e librit në shoqëri dhe për kultivimin e shprehisë së leximit të librave në këtë botë digjitale.
“Panelistë në këtë debat ishin: Munish Hyseni-Drejtor i bibliotekës “Hivzi Sylejmani”, Kismete Hyseni- Poet, Avdullah Zeneli- Botues dhe Xhevat Syla-Shkrimtar”, thuhet në një komunikatë për media.
Nëfund të këtij aktiviteti u ndanëmirënjohje për lexuesit më të mirë, si dhe personat kontributdhënës në bibliotekën “Hivzi Sylejmani”
