Ferizaj. 14.03.2019. Pas një trajnimi katër mujorë 12 nxënës të shkollës së mesme të Agrobiznesit dhe Teknologjisë “Zenel Hajdini” në Ferizaj sot janë certifikuar për përdorimin e makinave CNC dhe programit AutoCAD në fushën e përpunimit të drurit.
Nermin Mahmuti drejtoreshë e organizatës CDF, e cila mundësoi trajnimin dhe certifikimin e këtyre nxënësve tha se këta nxënës që nga dita e sotme janë të gatshëm për tregun e punës.
“Besoj që ne kemi arritur që këto certifikata të mos jenë vetëm letër por të jenë funskionale në aspektin që kanë me ju shërbyer atyre për punë. Tanimë po shihet edhe rezultati. 12 nxënësit e certifiukuar në punën katër mujore kanë pasur trajnime në pjesën teorike dhe në pjesën praktike nga njerëzit profesional dhe të certifikuar pasi pajisja është shumë e ndieshme dhe moderne dhe jo gjithkush ka pasur mundësi të punoj pjesën praktike,përveç atyre që kanë qenë të certifikuar. Shpresojë që këto certifikata do tu shërbejnë për punësim dhe sipas informatave që kemi deri sot rreth tetë biznese kanë shprehur interesim që ti marrin dhe ti punësojnë këta nxënës” ka thënë Nermin Mahmuti, drejtoreshë ekzekutive e CDF-së
Ndërsa drejtori i shkollës së Agrobiznesit dhe Teknologjisë “Zenel Hajdini”, Abdullah Imeri, u shpreh se ishte i kënaqur me rezultatin e këtij projekti, duke bërë të ditur se disa nxënës nga ky grup tashmë kanë nënshkruar kontrata të punës.
“Ka qenë një projekt nga BRICK, i ipmlementuar nga organizata CDF të cilët nga muaji Shtator kanë trajnuar nxënësit në programe të AutoCAD-it versionit më të ri dhe punën praktike me makina CNC që njihen si makinat më të sofistikuara në lëminë e përpunimit të drurit. Ka qenë një projekt i cili rralë ndodh që të zgjoj interesim aq të madh te nxënësit. Sot këta nxënës u certifikuan, e ky certifikim dhe përgatitja e tyre ka zgjuar edhe interesimin e bizneseve dhe sipas informatave deri më sot një pjesë e madhe ka nënshkruar kontrata të punës si rezultat i rëndësisë së certifikimit dhe nivelit të përgatitjes në këtë trajnim” ka thënë Abdullah Imeri.
Ndërsa mësimdhënësit dhe nxënësit që ishin pjesë e këtij projekti kanë thënë se kanë arritur që ti realizojnë objektivat e veta dhe se kanë qenë me fat që ishin pjesë e këtij projekti.
“Fillimisht nxënësit ishin pak skeptik por me kalimin e kohës ata u adaptuan dhe mjaftë mirë arritën që ti dizajnojnë disa nga nga produktet nga detyrat të cilatat ua kishim dhënë Pas dizajnimit përdorëm një program Alfa CAM me të cilin konvertuam programin në gjuhën e makinës , e që pastaj në pjesën praktike nën mbikqyrjen e profesor Flamur Aliut është realizuar pjesa praktike në makinat CNC. Përparësi e këtyre nxënësve është se pjesën teorike e kanë realizuar në punën praktike dhe janë të gatshëm për tregun e punës. Jam shumë i lumtur se sot dëgjova se një numër i tyre veç kanë zgjuar interesimin e bizneseve dhe kanë nënshkruar kontrata për punësim” ka thënë Rrahim Sejdiu, prorektor në UShAF i cili ka ligjëruar pjesën teorike në këtë trajnim.
Edhe nxënësit e këtij profili janë shprehur të kënaqur me punën që është bërë gjatë këtij trajnimi dhe mundësit që u jep kjo përgatitje për punësim në këtë lëmi.
“Ka qenë një program shumë i mirë gjat të cilit kemi mësuar shumë gjëra të cilat është vështir të arrihen. Por kjo besoj tash që është një mundësi shumë e mirë edhe për gjetjen punë në këtë lëmi” ka thënë Ismajl Rushit, një nga nxënësit e certifikuar.
Në ceremoninë e dhënies së certifikatave të këtyre 12 nxënësve ishin prezent edhe përfaqësues nga Ministria e Arsimit të cilët thanë se po bëjnë përpjekje për ta avancuar sa më shumë shkollat profesionale.
Sipas organizatorëve, një trajnim i ngjashëm është planifikuar edhe për gjeneratën e ardhshme i cili do të filloi nga muaji Shtator, transmeton Televizioni Tema.
