Rruga “Madeleine Albright” në Ferizaj, ku edhe po zhvillohen punimet e projektit “Bashkimi i Qytetit” shumë shpejt do të lëshohet për qarkullim të automjeteve.
Drejtori i Infrastrukturës, Arbër Bytyqi, në një intervistë për Televizionin Tema ka thënë se këto ditë do të fillojnë punimet intensive tek rruga “Dëshmorët e Kombit” , kurse rruga Madeleine Albright” do të kthehet në gjendjen e mëparshme.
‘ Në pjesën ku do të fillojnë punimet, në rrugën “Dëshmorët e Kombit” natyrisht se ajo pjesë do të mbyllet për qarkullim deri sa të përfundohet vendosja e pllakës. Pas vendosjes së pllakës kjo pjesë prapë mund të lëshohet në qarkullim. Sipas dinamikës së paraparë kjo pjesë e rrugës shumë shpejtë do të jet e përfunduar, vetëm sa të kaloj edhe koha e paraparë për forcimin e betonit në atë pjesë” ka thënë Bytyqi
Ndërsa sa i përket punimeve të nisura në oborrin e shkollës “Gjon Serreçi”, Bytyqi ka thënë se aty janë duke punuar në rrjetin e kanalizimit atmosferik.
“Te pjesa e shkollës “Gjon Serreçi” kanë filluar punët në rregullimin e kanalizimit atmosferik. Këto punë kanë qenë të domosdoshme para se të filloi pjesa kryesore e projektit në atë pjesë të rrugës. Kjo ka qenë një hap i domosdoshëm dhe e kuptoj që kemi shkaktuar vështirësi në komunikacion, për çka u kërkoj falje pjesëmarrësve në komunikacion por ka qenë një hap i domosdoshëm. Më vonë sipas projektit ky segment i rrugës nga shkolla “Gjon Serreçi” dreri tek restoran “Orchide” do të pësoj ulje për shkak të punëve të nënkalimit, por për këtë pjesë si alternativë është paraparë rruga “Latif Hasani”, por kjo është e paraparë në një fazë më të vonshme” ka thënë Bytyqi
