Ferizaj

Bekim Isufi flet për gjasat që ka Ferizaj për të mbijetuar!


Publikuar më:


Ferizaj e ka pësuar humbjen e radhës, teksa këtë herë është mposhtur nga Trepça ’89 me rezultat minimal 1-0, raporton Gazetasheshi.com.

Kryetrajneri i kësaj skuadre, Bekim Isufi është ndarë i kënaqur me paraqitjen e futbollsitëve të tij nga kjo ndeshje.

“Ekipi kundërshtarë ishte më i mirë se ne vetëm në minutat e para të ndeshjes. Pasi pranuam gol skuadra sikurse u ç’lirua nga presioni dhe më pas morëm vetën. Krijuam disa raste për shënim, të cilat është dashur ti konkretizojmë. Ishte një ndeshje jashtëzakonisht e mirë, duke përfshirë edhe gjykimin fantastik në ndeshjen e sotshme pavarësisht se ekipi ynë e humbi ndeshjen sot”, deklaroi Isufi për “Super Sport Kosova.

Më pas Isufi foli edhe për gjasat që ka ekipi i tij për të mbijetuar këtë edicion në Superligë.

“Ne po luajmë mirë me skuadrat nga kreu i tabelës, ndërkohë që po lëshojmë pikë me skuadrat që janë direkt në konkurenc me ne për tu larguar nga pjesa e poshtme e renditjes tabelare. Ndoshta po na mungon qetësia dhe ideja në momente të caktuara, por në përgjithësi nuk po e vërej ndonjë dallim të madh me skuadrat tjera. Gjashtë skuadrat që janë në pjesën e poshtme të renditjes tabelare janë në nivel të njejtë dhe me kushtet nëpër të cilat po kalojmë ne, jam shumë i kënaqur me performancën e futbollistëve tanë”, përfundoi Isufi.

Në kuadër të javës së dymbëdhjetë Ferizaj përballet me Dritën në shtëpi.

To Top