Ferizaj

Bëhu pjesë e minimaratonës “VRAPOJMË ME POLICINË TONË”, ndihmo familjet në nevojë


Publikuar më:


Policia e Kosovës – Regjioni i Ferizajt në bashkëpunim me Komunën e Ferizajt dhe përfaqësues nga shoqëria civile, organizon minimaratonën me moton “VRAPOJMË ME POLICINË TONË”, aktivitet ky i cili ka si qëllim grumbullimin e mjeteve financiare të cilat do të shërbejnë për të ndihmuar familjet në nevojë në Komunën e Ferizajt.

Ky aktivitet mbahet më 11 qershor 2016, ora 11:00.

Pjesëmarrësit në këtë aktivitet do të përshkojnë një rrugë me afro 8 km, saktësisht me fillim nga ndërtesa e Komunës së Ferizajt deri tek Rrethrrotullimi tek Kazerma e FSK-së “Skënderbeu” dhe kthimi-prapa.

Që nga data 8 qershor 2016 fillon shitja e numrave identifikues për të gjithë të interesuarit të bëhen pjesë e kësaj minimaratone. Çmimi për një numër identifikues është 5.00€ (euro)

Blerja e numrave identifikues mund të bëhët përmes kontaktimit në këtë numra:
044 849 624 ose 044 477 131

Ftohen të gjithë të interesuarit që të kontribuojnë me pjesëmarrjen e tyre në ndihmën familjeve në nevojë të Komunës së Ferizajt.

Comments
To Top