Ferizaj

Bechtel-Enka vazhdon punimet për autostradën, përkundër vendimit të Hanit të Elezit


Publikuar më:


MI: Nuk është kompetencë e kryetarit Suma të ndal punimet në autostradë

Në autostradën “Arbën Xhaferi” ende po vazhdojnë punimet, përkundër që ato i ka ndërprerë kryetari i komunës së Hanit të Elezit.

Problemet që paraqiten në këtë komunë nga ana e punimeve janë evidente.

Rruga që lidhë fshatin Paldenicë me rrugën kryesore të qytetit të Hanit të Elezit është e bllokuar që nga muaji shkurt dhe nuk është funksionalizuar as pas tre muajve siç ishte paraparë.

Për këtë, punëkryesi në autoudhë, Bechtel Enka u kishte premtuar këtyre banorëve që do të ndërtojë një urë, që do t’u mundësonte atyre çasjen më të lehtë në qytet, por edhe në pronat e tyre matanë rrugës.

Për këta banorë nuk është problem vetëm çasja në pjesën tjetër të qytetit por edhe dëmet që janë shkaktuar nga ndërtimi i autostradës.

Për problemin e tyre, banorët e fashtit Paldenicë i janë drejtuar komunës me ankesa e po ashtu edhe kanë protestuar. Kështu javën e kaluar, kryetari i Komunës së Hanit të Elezit ka ndërprerë punimet e kompanisë Bechtel Enka në këtë zonë.

Por, Ministria e Infrastrukturës në një përgjigje me shkrim për T7 thotë që nuk është kompetencë e kryetarit të Komunës të ndërprejë punime në autostradë.

Për të zgjidhur këtë çështje banorët e fshatit Paldenicë, bashkë me kryetarin e Komunës së Hanit të Elezit kanë kërkuar një takim me Kryeministrin e Kosovës, Ramush Haradinaj. Sipas tyre, ky takim është i nevojshëm për të gjetur një zgjidhje.

Shfrytëzimi i materialeve të ferizajpress.com nga ndonjë website ose medium tjetër, pa e cekur burimin e materialit, është shkelje e drejtave autoriale dhe është i ndaluar.

Redaksia| Tel: +383 44 733 733
E-mail: redaksia@ferizajpress.com

Marketing| Tel: +383 49 806 106
E-mail: marketing@ferizajpress.com

Facebook

To Top