Ferizaj

Arrestohet edhe i dyshuari tjetër për rastin e plagosjes së djeshme


Publikuar më:


Lidhur me rastin e djeshëm, “Vrasje në tentativë”,   i ndodhur në rrugën “12 Qershori”  në Ferizaj, policia ka arrestuar sot edhe të dyshuarin e dytë, (T. Z.  28 vj.),  të përfshirë në përleshjen e sipër përmendur dhe i cili ishte në kërkim nga policia.

Gjatë intervistimit, i dyshuari (T.Z.), ndryshe i vëllai i N. Z. (të arrestuar mbrëmë nga policia), e ka pranuar se kishte shtënë me revole në drejtim të viktimës, (F.B.),  duke e plagosur në pjesën e abdomenit.

Hetuesit e Sektorit Rajonal të Hetimeve, e kanë sekuestruar një pistoletë të kalibrit 7.65 mm me 6 (gjashtë fishekë), me të cilën dyshohet të jetë kryer vepra e inkriminuar.

Ndaj të dyshuarit, policia ka bërë kallxim penal  për dy vepra: “Vrasje në tentativë”  dhe “Armëmbajtje pa leje” , thuhet në komunikatën lëshuar nga policia e Ferizajt.

Me urdhër të prokurorit të shtetit, të dyshuarit i është shqiptuar masa e mbajtjes për 48 orë.

Comments
To Top