Ferizaj

Aliu: 20 vjet nga masakra makabre. Kosova nuk harron, drejtësia do të triumfoj!


Publikuar më:


Kryetari i Ferizajt, Agim Aliu, sot në 20-vjetorin e e masakrës së Reçakut, të kryer nga forcat serbe, duke kujtuar viktimat ka theksuar që , masakra e Reçakut  ka thënë se  këto masakra makabre ndaj 45 civilëve shqiptarë në Reçak,  Kosova nuk i harron, drejtësia do të triumfoj!

Në vazhdim ju sjellim postimin e plotë:

20 vjet nga masakra makabre ndaj 45 civilëve shqiptarë në Reçak!

45 dëshmorët dhe martirët e Reçakut, njomën me gjakun e tyre, tokën e shtrenjtë stërgjyshore, krejt pafaj në pragun e shtëpisë, të paarmatosur ndaj çmendisë barbare serbo-sllave që synoi shfarosjen e një populli të tërë. Klithmat e lirisë të të pafajshmëve që dhanë kushtrimin e gjenocidit kudo në botë,rëndojnë edhe sot.

Mirënjohje e përjetshme e popullit shqiptar të Kosovës për ambasadorin William Walker, që i kumtoi botës gjenocidin ndaj popullatës së pafajshme shqiptare dhe gjithë qendrave të vendosjes ndërkombëtare të prirë nga SHBA që ruajtën dhe shpëtuan substancën tonë kombëtare. Lufta e djemve dhe vashave më të mirë të kombit në Ushtrinë Çlirimtare të Kosovës, vendosi drejtësinë, solli lirinë!

Kosova nuk harron, drejtësia do të triumfoj! 
Lavdi!

To Top