Publikuar më:
Pas vendimit të Qeverisë së Republikës së Kosovës për ngritjen e taksës për produktet e Serbisë në 100 për qind, ka reaguar menjëherë presidenti i Serbisë, Aleksander Vuçiq.
Ai ka thirrur në një takim të jashtëzakonshëm ambasadorët e Kinës, Rusisë, BE-së dhe vendeve të QUNTIT, raporton Tanjug, transmeton Gazeta Express.
Siç shkruan mediumi serb, Vuçiq, gjithashtu, ka thirrur edhe një mbledhje të Këshillit për Siguri Kombëtare të Serbisë pas këtyre masave të Qeverisë së Republikës së Kosovës.
Ky vendim i sotëm i Qeverisë së Republikës së Kosovës është marrë si kundërpërgjigje për kampanjën agresive të Serbisë kundër Republikës së Kosovës. /GazetaExpress/
