28,03,2024

Ahmeti: Dëshmorët ranë për flamur kombëtar e jo për një pëlhurë

Must Read

shpendi2

Me një akademi përkujtimore, Komuna e Prishtinës ka përmbyllur aktivitetet e sotme në shënim të Ditës së Dëshmorëve të Komunës së Prishtinës.

Duke u kujtuar vepra e tyre në këtë akademi u tha se dëshmorët janë ata që dhanë gjithçka për lirinë e vendit duke shënuar kështu historinë.

Kryetari i Komunës së Prishtinës, Shpend Ahmeti tha se politikanët e vendit duhet të vazhdojnë të punojnë dhe prapë nuk mund të arrijnë 10 përqindshin e punës që dëshmorët bënë për Kosovën.

Ahmeti theksoi se nuk po kërkohet nxitja e urrejtjes por tani pas luftës po kërkohet drejtësia.

“Dëshmorët që luftuan e dhanë jetën për këtë flamur, jo për konceptin e një pëlhure, por për konceptin e një kombi. Ne sot përulemi para veprës së këtyre dëshmorëve dhe asnjëherë nuk mund të bëjmë çka kanë bërë ata”, tha Ahmeti

Ndërsa, Ibrahim Mehmeti nga shoqata e Familjeve të Dëshmorëve të komunës së Prishtinës tha se vepra e dëshmorëve të vendit i thërret ndërgjegjes së shoqërisë dhe kombit. Ai shtoi se fam iljet e dëshmorëve janë duke u trajtuar keq nga institucionet shtetërore.

“Dëshmorët e kombit janë vlerë e madhe kombëtare, janë krenari e familjes, bashkëluftëtarëve, shoqërisë dhe kombit. Janë dëshmorët ata që bënë historinë dhe ngritën vlerën kombëtare të kombit, që me luftën heroike na sollën lirinë. Veprat e tyre heroike i thërrasin ndërgjegjes së bashkëluftëtarit, shoqërisë dhe kombit. Familjet e dëshmorëve janë në gjendje të rëndë emocionale, të trajtuar keq nga institucionet dhe trajtohemi si raste sociale”,tha Mehme

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img