Ferizaj

Agim Aliu: Nënkalimi në Varosh e Nikadin -Një vepër infrastrukturore që flet me cilësi e bukuri (Foto)


Publikuar më:


Gjatë ditës së sotme kryetari i Ferizajt Agim Aliu  së bashku me Drejtorin e Infrastrukturës, Arbër Bytyqi shoqëruar edhe nga ekspertë të infrastrukturës e planifikimit urban, ndoqën punimet përfundimtare që po kryhen në veprën madhore infrastrukturore, atë të ndërtimit të nënkalimit për vetura e këmbësorë në fshatin Varosh, pjesë kjo integrale e projektit të transformimit urban “Bashkimi i Qytetit”

I pari i Ferizajt, Agim Aliu  këtë e ka quajtur “Një vepër infrastrukturore që flet me cilësi e bukuri”

“Tashmë edhe pak detaje janë në përfundim e sipër në ndërtimin e veprës infrastrukturore model, atë të nënkalimit për vetura e këmbësorë në Varosh, pjesë e integruar e “Bashkimit të Qytetit”, me të cilën përfundimisht e përherë eliminohen tërësisht rreziqet e qarkullimit mbi hekurudhë, por me patjetër edhe duke shpalosur vizionin e qeverisjes sonë për vepra infrastrukturore të bukura, funksionale, që i japin jo vetëm komoditetin e standardin më të lartë qarkullimit rrugor por edhe bukurinë kësaj zone”  ka shkruar kryetari Aliu.

To Top