Ferizaj

Afrim Tovërlani largohet nga Ferizaj, arsyeja është mungesa e kushteve financiare


Publikuar më:


Trajneri i njohur Afrim Tovërlani, nuk do ta udhëheq Ferizajn në sezonin pranveror.

Ai ka thënë se nuk është i kënaqur me situatën ne klub, ndërsa kryesia është vonuar që t’i kryejë obligimet ndaj lojtarëve.

“Deri sot nuk ka pasur asnjë ndryshim. Kam biseduar me drejtorin dhe sipas të gjitha gjasave nuk ka më asgjë në Ferizaj”.

“Donatorët që i kanë premtuar ekipit verës – tani nuk po iu përgjigjen obligimeve që ju kanë pas”.

“Klubi ka borxhe ndaj lojtarëve, gjithashtu ne kemi pasur në plan të transferojmë 4-5 lojtarë në afatin e janarit, pasi jemi akoma në garë për mbijetesë dhe Kupë, mirëpo premtimet nuk i kanë realizuar kështu që çdokush rrugën e vet”, ka thënë Tovërlani për Gazetën Blic.

Tovërlani më parë ka drejtuar klube si Prishtina, Trepça ’89, Hysi e Feronikeli.

To Top