29,03,2024

8 mjekë specialistë dhe 13 infermierë në mesin e 177 rasteve aktive në Ferizaj

Must Read


Komuna e Ferizajt ka thyer rekord të mërkuren, me 55 raste pozitive me Covid-19, duke e çuar në 177 numrin e përgjithshëm të rasteve aktive.
Vetëm në Spitalin e Ferizajt, tetë mjekë specialistë, 13 infermierë dhe 4 zyrtarë të tjerë kanë rezultuar pozitivë.
“Numri i pacientëve 13, me oksigjenoterapi i kemi 11, mjekë specialistë pozitivë janë 8, infermierë 13, dhe 4 të tjerë nga stafi”, ka thënë shkurt për KOHËN drejtori i Spitalit Rajonal në Ferizaj, Jeton Zeqiri.
Ndërkohë edhe kryetari i komunës Agim Aliu, përmes një komunikate, të mërkuren mbrëma, kishte shkruar për një “rekord të zi” për Ferizajn.
“Nga njoftimi i IKSHPK-së lidhur me rastet e reja me COVID-19, bëhet e ditur se kemi edhe 55 raste të reja pozitive me këtë virus në Ferizaj që çon në 177 numrin e rasteve aktive”, ka shkruar Aliu në Facebook.
Ndërkohë, ditë më pare, 7 drejtorë dhe tre zyrtarë tjerë politikë të Komunës së Ferizajt, kishin dalë pozitiv në COVID-19. Aliu ndërkohë ka thënë për KOHËN se mbi 70 për qind e stafit të tij politik janë të infektuar me COVID-19.
“Gjithsejt i kemi 12 raste pozitive në stafin politik, prej tyre 3 nga kabineti im. Kjo i bie se rreth 70 për qind e stafit politik janë pozitivë. Ndërkohë kemi raste pozitive edhe nga stafi tjetër i administratës”, ka thënë ai.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img