Portali më i rëndësishëm në Gjermani Spiegel Online në edicionin e së dieles shkruan se kandidtatët e mundshëm për pasardhës të Sekretarit të Përgjithshëm të OKB-së me shumicë janë nga Evropa lindore dhe hapësira e Ish-Jugosllavisë, raporton Gazeta Blic. Në faqen zyrtare të OKB-së mund të lexohen edhe emrat e kandidatëve të cilët deri në fund të këtij viti edhe do të kalojnë në procese votimi.
Sipas Spiegel Online kjo prani kaq e madhe e politikanëve nga Evropa vjen për shkakun që është një zakon tashmë i “pashkruar” që pas një aziati radhën e ka një Evropian dhe atë nga ana lindore apo juglindore. Spiegel edhe ka numëruar kandodtatët më seriozë të cilët siç shihet edhe nga fotot dhe lista janë nga Ish-Jugosllavia dhe jo vetëm.
Kështu kandidatë për t’u bërë pasardhës të Ban Ki Moon janë: Bullgarja Irina Bokova, ish shefe e UNESCO-s ka pak gjasa pasi mban lidhje të ngushta me “carin” rus Vladimir Putin- dhe kjo i pengon amerikanët. Pas saj vjen edhe ish-kryeministrja e Zelandës së re Helen Clark e cila ka udhëhequr edhe programin e OKB-së, UNDP-në. Ish zëvendëspresidentja e Moldavisë Natalia Gherman është pokështu kandidate si dhe ish- Komisari i OKB-së për refugjatët Antonio Guterres. Për t’u pasuar nga ballkanist: ish Ministrja e Punëve të Jashtme e Kroacisë Vesna Pusic, ish Ministri i Jashtëm i Maqedonisë Srgjan Kerim, Ish Kryeministri i Malit të Zi Igor Luksic dhe ish- Presidenti i Sllovenisë Danilo Türk. Se cili nga këta kandidatë do të fitojë ende nuk dihet- por Spiegel Online duke u thirrur në burimet gjermane njërin nga këta e sheh si pasardhësin e Moon-it. /Gazeta Blic/
