Zv. Ministri Mustafë Grainca sot ka vizituar “KAPUN”. “KAPUN” është një kompani virtuale e formuar në Qershor 2018 nga GIZ në bashkëpunim me të rinjtë nga Ferizaj. Objektivi i saj është të hulumtojë tregun e punës në Ferizaj si dhe mundësitë e trajnimit apo praktikës në biznese të ndryshme. Zyra e saj kryesore funksionon në ambientet e Shkollës Profesionale në Ferizaj “Qendra e Kompetencës”.
“Sot pata nderin të vizitoj, përfaqsuesit e GIZ-it Gjerman, si organizator të procesit implementues të projektit “Youth, Employment & Skills”, i konsideruar si projekt model, për të parë nga afër rezultatet e arritura, pasi që, sot ishte edhe dita përmbyllëse , e këtij projekti, i realizuar në Komunën e Ferizajt.
Rezultatet e prezentuara nga ana e shumë të rinjëve e të rejave, si staf i projektit, ishin tejet impresionuese, dhe me plot të dhëna të nevojshme, për të pasuruar edhe më tej proceset institucionale lidhur me uljen e nivelit të papunësisë në Komunën tonë.
Para përfaqsuesve të GIZ-it gjerman si dhe stafit të projektit, u zotova se do të ketë gjithmon përkrahje institucionale të të dy niveleve qeverisëse, për iniciativa e projekte të tilla. Gjithsesi, në këtë rast, dua të falenderoj qeverinë e komunës së Ferizajt, për mbështetjen e dhënë në procesin e realizimit të projektit në fjalë.
Krejt në fund, dua të i falenderoj, e në të njejtën kohë të inkurajoj , të gjithë bartësit e këtij projekti , për të vazhduar edhe më tej me projekte të tilla, të cilat në fokus kanë të rinjët e tanë, kanë punësimin dhe hapjen e perspektivës së tyre.” është shprehur z.Grainca për vizitën e tij.
