Vazhdojnë punimet në realizimin e projektit “Zgjerimi i sistemit të ujitjes së tokave”, në fshatrat Ratkoc, Vrajak dhe Bratotin të Komunës së Rahovecit. Punimet në realizimin e këtij projekti i ka parë nga afër sot edhe kryetari i Komunës së Rahovecit, Idriz Vehapi me bashkëpunëtor.
Në kuadër të këtij projekti, do të mundësohet ujitja e 73 hektar tokë të punueshme, ky projekt është në bashkëfinancim në mes të Komunës së Rahovecit dhe Ministrisë së Bujqësisë, Pylltarisë dhe Zhvillimit Rural. Vlera totale e këtij projekti është 254836 euro, në këtë projekt komuna ka participuar 94 836 euro kurse MBPZHR me 160 000 euro.
