Komuna e Kaçanikut vazhdon me vlugun e punimeve në projektet infrastrukturore.
Kryetari i Komunës së Kaçanikut Besim Ilazi me bashkëpunëtorë, përcolli nga afër ecurinë e punimeve gjatë asfaltimit të rrugës në Lagjen Fazliaj, në fshatin Bajnicë.
Kryetari Ilazi me këtë rast uroi qytetarët e kësaj ane për rrugën e re, duke shtuar që asfaltimi i kësaj rruge do të ju shërbejë banorëve për qasje më të lehtë në fshat, ndërsa njoftoi qytetarët se kjo është vetëm faza e parë e projektit, dhe se do të vazhdohet edhe me fazën përfundimtare vitin e ardhshëm.
Edhe qytetarët u ndanë të kënaqur me projektin e asfaltimit të rrugës, ndërkohë që shpresuan që shumë shpejtë të fillohet edhe me pjesët e tjera të projektit.
Projekti “ Asfaltimi i rrugës në lagjen Fazlijaj në fshatin Bajnicë” sipas menaxherit të projektit Valmir Krasniqi, i ka kushtuar buxhetit komunal 31 mijë e 197 euro, ndërsa gjatësia e rrugës së asfaltuar është 1024 metra, kurse gjerësia është 4 metra.
