Jeroldina Iljazi, vetëm 25 vjeçe, i dha fund jetës në moshë të re dhe sapo kishte nisur edhe karrierën në Policinë e Shtetit. Akti i vetëflijimit të saj ka lënë pa fjalë kolegët e të njohurit, të cilët e kujtojnë si vajzë tejet të edukuar.
Sipas burimeve, e reja vuante së tepërmi gjendjen e rënduar financiare të familjes, por mbi të gjitha depresionin e së ëmës e cila siguronte jetesën prej vitesh duke dalë me një peshore poshtë banesës për të siguruar disa qindarka.
Kolegët e saj kanë vlerësuar karakterin e saj miqësor e të dashur, duke shprehur habi për aktin e ndërmarrë, pavarësisht problemeve familjare të cilat ata i dinin shumë mirë
Rreth orës 16:00 të së shtunës, Jeroldina Iljazi, efektivja e Policisë që i dha fund jetës në banesën e saj në Sarandë, është përcjellur në banesën e fundit.
