Në media është raportuar se një i ri nga komuna e Ferizajt ka vdekur si pasoj e Covid-19. Por ai nuk është konfirmuar se ishte pozitiv me koronavirus. Kështu ka thënë për lajmi.net kryetari i Ferizajt, Agim Aliu.
Aliu ka thënë se në testin e parë për Covid-19 i riu nga Ferizaj kishte dal negativ.
I ndjeri ishte duke u trajtuar në Spitalin e Ferizajt, ndërkohë javën e fundit ai ishte tranferuar për në QKUK për trajtim mjekësor. Derisa atij i është marrë edhe mostra e dytë për Covid-19, por ende nuk dihet rezultati.
“Nuk është e konfirmuar. Në testin e parë, kur i është marr mostra ka dal negativ për koronavirus. Ai ka qenë duke u trajtuar në Spitalin e Ferizajt. I është marr edhe një mostër por ende nuk ka dal rezultatit.”, ka thënë Aliu.
Edhe Drejtori i Shëndetësisë në Ferizaj, Bekim Ademi, ka thënë se në rezultatet e para për Covid-19, ky i ri, kishte rezultuar negativ. Ai ishte ritestuar në QKUK, por ka qenë në pritje të rezultatit.
“I ndjeri ka qenë i shtrirë në spitalin e qytetit për disa ditë, ndërsa në javën e fundit ka qenë i shtrirë në QKUK. Në rezultatet e para për Covid-19, ka rezultuar negativ, ndërkohë është ritestuar në QKUK prap dhe ka qenë në pritje të rezultatit”, ka deklaruar Ademi
