Rregullimi i infrastrukturës në gjithë kapilarët e qarkullimit rrugor përgjatë qendrës së qytetit është tashmë detyrë e përditshme e planifikimit urban të kompetentëve. Kështu edhe rruga “Xhemë Gostivari”, e kryqësuar nga rruga “Sejdi Sejdiu” e që pak metra e ndanë nga qendra e qytetit, është asfaltuar.
Për ta parë këtë projekt doli i pari i Ferizajt, Agim Aliu bashkë me drejtorët kompetent komunal. Qindra vetura që frekuentojnë këtë rrugë do ta kenë më të lehtë komunikimin mes zonash, tash kur kjo rrugë është asfaltuar.
