Terminalit doganor në pikën kufitare në Han të Elezit, “Terminali Sh.p.k”, në pronësi të biznesmenëve kosovarë Rrustem Rukolli dhe Xhevdet Bajramaliu, për të cilin dje ishte raportuar se i janë ndërprerë punimet, sot është bërë e ditur se i është vazhduar licenca e punës.
“Terminali Sh.p.k” sërish do të vazhdojë të zhvillojë procedura doganore pas marrjes së së licencës nga Ministria e Infrastrukturës.
Për këtë Ferizajpress ka siguruar edhe kopjen e licencës e cila i jep të drejtë këtij terminali që të vazhdojë punimet siç ka punuar deri më tani dhe askush nga kamionët e transporteve nuk ka nevojë të bëjë devijime pasi këto mund të kryhen ashtu siç janë kryer deri më tani në terminalin doganor në Han të Elezit.
