Shumë akuza të hedhura dhe thuajse asnjë e përgënjeshtruar. Ish-futbollisti i Kombëtares, Salvador Kaçaj, në emisionin “Fair Play”, në “News 24”, të datës 9 tetor 2016, deklaroi se:
“Federata është kthyer në një pronë private. Që te kompleksi në Kamzë, i cili i është dhënë Alban Bushit, që është drejtor në Kombëtare dhe Redi Jupit, që është trajner i Kombëtares U-21. Nëse nuk ju bën përshtypje fakti që drejtori i Kombëtares dhe trajneri i Shpresave kanë marrë kompleksin e Kombëtares në përdorim, kemi të bëjmë me skandal”.
Gazeta ka tentuar të kontaktojë me Menaxherin e kombëtares, Alban Bushi, dhe trajnerin e U-21 për të marrë një përgjigje për këto akuza, por asnjëri prej tyre nuk ka thënë versionin e tij për këto akuza të adresuara nga Kaçaj.
.
