Kjo pasi të gjitha tekstet e historisë janë rishikuar në kuadër të rishikimit të të gjitha teksteve që i ka bërë Ministria e Arsimit gjatë këtij viti kalendarik. Zëvendësministrja e Arsimit, Anila Statovci-Demaj, ka thënë në një intervistë për Kosovapress se librat e historisë janë pastruar nga termat fyes apo urrejtës.
Zëvendësministrja Statovci ka theksuar se edhe librat që janë rishikuar tani e edhe librat e rinj që do të hartohen me rishikimin e planprogrameve të reja, si bazë do ta kenë parimin faktues.
Por, Statovci është shprehur se në tekstet e reja të historisë, më shumë hapësirë do të duhet t’i kushtohet historisë së re të Kosovës pasi sipas saj, “ askush tjetër nuk mund ta shkruaj atë më mirë se sa vet ne”.
Megjithatë, ankesat e kahershme të qytetarëve, prindërve etj. se në librat e historisë nuk paraqitet fare komandanti legjendar i UÇK-së Adem Jashari dhe familja e tij, Statovci i ka demantuar duke thënë se Adem Jashari madje paraqitet me fotografi në librin e historisë së klasës së V-të.
Mirëpo, Statovci është shprehur se heroi Adem Jashari dhe familja e tij paraqiten varësisht prej planprogramit në cilin kapitull apo në cilën klasë, duke e pas parasysh edhe moshën e nxënësve.Zëvendësministrja e Arsimit, ka thënë se sa i përket rishikimit të teksteve të kësaj natyre kanë pasur edhe bashkëpunimin e plotë të autorëve të teksteve, pasi vet autorët kanë qenë ata të cilët i kanë rishikuar tekstet e tyre.
Andaj, Statovci i ka falënderuar publikisht për bashkëpunimin, siç ka thënë ajo që e kanë treguar në këtë drejtim
