Sekretari i Përgjithshëm i NATO-s, Jens Stoltenberg në një postim në Twitter tha se ka biseduar me ministrin turk të Punëve të Jashtme, Mevlüt Çavuşoğlu lidhur me tentativën për grusht shteti në Turqi, raporton Anadolu Agency (AA)
Ai u shpreh se është duke i ndjekur ngjarjet në Turqi nga afër dhe me shqetësim.
“Bëj thirrje për qetësi dhe përmbajtje, dhe shpreh respekt të gjerë për institucionet demokratike të Turqisë dhe kushtetutën e saj. Turqia është një aleat me vlerë i NATO-s”, nënvizoi sekretari i Përgjithshëm i NATO-s, Jens Stoltenberg.
