Në këtë institucion, përveç qytetarëve të Ferizajt, shërbime marrin edhe qytetarë nga pesë komuna të ndryshme, raporton KTV.
Pothuajse në secilin repart ka mungesa, ku më të theksuara janë në shërbimin e emergjencës.
Sipas Enver Shaqirit, zëdhënës i Spitalit, ata kanë kërkuar disa herë në Ministrinë e Shëndetësisë, por që kërkesat e tyre gjithmonë janë injoruar nga ky dikaster.
E nga Shërbimi Spitalor Klinik Universitar i Kosovës kanë thënë se mungesa e buxhetit dhe pamundësia për hapjen e vendeve të reja të punës ka ndikuar që i tërë shërbimi të ballafaqohet me mungesë të infermierëve dhe mjekëve specialistë të profileve të ndryshme.
Këtu përfshihen edhe QKUK-ja, Spitalet e Përgjithshme dhe njësitë tjera përbërëse në kuadër të SHSKUK-së.
Ndërkohë, sa u përket mjekëve specialistë, Ministria e Shëndetësisë e ka në procedurë një konkurs dhe beson se me realizimin e tij do të zbuten nevojat e QKUK-së dhe Spitaleve të Përgjithshme, për mjekë specialistë të profileve të ndryshme.
