Sot fjalët përfundimtare për sulmin ndaj Selës

Në seancën e sotme gjyqësore në Gjykatën Penale të Maqedonisë për ‘tentimin vrasjen’ ndaj deputetit Ziadin Sela, në ngjarjet e 27-prill të vitit të kaluar në Kuvend, prokurori Darko Jakimovski dhe avokatët mbrojtës të të akuzuarve duhet të thonë fjalët përfundimtare.
Në seancën e fundit Stojan Pavllevskit ju shqiptua dënim me tre vite burg, ndërsa të akuzuarit tjetër Cejo Georgiveskit një vit dhe dy muaj burg.Kryetarja e Këshillit Gjyqësor, Sllavica Andreevska, në seancën e kaluar tha se dallimi në lartësinë e dënimeve është për shkak të asaj se  Stojan Pavllevski është i pari i cili hyri në Kuvend dhe ka dhunuar deputetët.
Pavllevski pas shqiptimit të dënimit tha se nuk priste dënim aq të lartë dhe paralajmëroi se do të ankohet në Gjykatan e lartë.Të akuzuarit Cejo Georgiveski dhe Stojan Pavllevski e pranuan fajin për veprën në të cilën akuzohen. Të dy në fjalët përfundimtare thanë se pendohen për veprën e kryer dhe se nuk kishin për qëllim të lëndonin askënd.Fillimisht në këtë rast ishin të akuzuar dhjetë persona, por Prokuroria para se të thoshte fjalët përfundimtare e tërhoqi aktakuzën kundër Sasho Senkov, për të cilin prokurori theksoi se nuk ka dëshmi të mjaftueshme se e ka kryer veprën për të cilën akuzohet.