Pas Alban Rexhepit, Ferizaj tashmë ka arritur marrëveshje edhe me një tjetër futbollist i cili vjen nga Vala Superliga.
Fjala është për sulmuesin e krahut, Dren Gashi, i cili në vjeshtë ishte pjesë e Flamurtarit, shkruan Gazetasheshi.com.
Gashi para pak ditësh arriti marrëveshje me Vëllaznimin, por ishin tifozët e klubit gjakovar që nuk e deshën atë në ekip dhe tashmë lojtari është pjesë e Ferizajt.
Ndryshe, Bylbyl Sokoli do të bëjë përpjekje që në tri ditët e fundit të afatit kalimtar të sjellë edhe përforcime tjera në mënyrë që rikthimi në elitë të jetë opsion më i mundshëm.
